EGIN AGUR BIDEAN AURKITZEN DUZUN JENDEARI

Jesusek bere lagunekin elkartzen denean horrela esaten zuen:

«Asteko lehen egun hartan bertan, arratsean, ikasleak etxe batean bildurik zeuden; judu-agintarien beldurrez, ateak itxirik zeuzkaten. Sartu zen Jesus eta, erdian jarririk, agurtu zituen esanez: «Bakea zuei». Gero, eskuak eta saihetsa erakutsi zizkien. Pozez bete ziren ikasleak Jauna ikustean. Jesusek berriro esan zien: «Bakea zuei. Aitak ni bidali nauen bezala, nik zuek bidaltzen zaituztet». Eta haien gainera arnasa botaz, esan zien: «Hartzazue Espiritu Santua. Zuek bekatuak barkatzen dizkiezuenei barkatu egingo dizkie Jainkoak ere; zuek barkamena ukatzen diezuenei, ukatu egingo die».

Agurraren garrantzia

Agur egiteko moduak asko eta ugari dira: begiratu, burua makurtu, hitz batzuk esan, eskua estutu, musua eman,… Agurtzen gaituzten bakoitzean, erantzun egin behar da. Agurrari agurrez erantzutea kortesiaren edo adeitasunaren seinale da. Agurrari  ez erantzutea ez da hezibide onekoa, edukazio-faltatzat edo haserre handiaren sintomatzat hartzen da.