GOIZEKO GOGOETA GG/DBH/MartxoakIII/osteguna

GG/DBH/MartxoakIII/osteguna

GU ERE KONPROMETITUTA

Garizuma garaia, Jesuekin konektatzeko garaia da, egiteko garaia da, egunero sortzen zaizkigu aukera berriak, egunero erabaki berriak, egunero… Egunerokotasun horretan berritzen joan beharra daukagu. Egiten dugun horretan, sakontzen, arduraz gogoak eraberritzen. Gure harremanetan ere zerbait gehiago eskatuko dugu…GARIZUMA da ez ahaztu, bidean aurkitzen gara… “Pazko Bidean”…

USOA

Parkean, eskolako umeek usoa hegaz ikusi zuten, baina usoak hanka-zati bat falta zuen.

- Begira nola egiten duen hegaz! – esan zuen ume batek harrituta.

- Ezer gertatuko ez balitzaio bezala! – adierazi zuen beste batek.

Irakasleak esan zien:

- Halakoxea da bizitza, umeok. Zuok, denok bezala, mugak dituzue, baina ezeinek ez dizue eragotziko ahalik eta goren hegaz egitea.

GALDERAK ELKARRIZKETARAKO

GOGOETARAKO

Usoa, hanka-zati bat eduki ez arren, hegaz egiteko gai da. Zer egin dezakezu zuk besteen alde?
Ezagutzen duzue, mugak gorabehera,bizitzan aurrera egin duenik? Eragozpenak eta trabak gainditu dituenik?

OTOITZA

Ikus-entzunezko baliabidea:

KORRONTZI FOLK: BENEFIC

https://youtu.be/X9V1VX5eG5c

Gure ikaskide eta irakasle bakoitzagatik Jainkoari ESKERRAK EMAN.

Guztien ona nirearen gainetik BILATU.

Oker edo huts egiten dutenei oker edo hutsak maitasunez ZUZENDU.

Besteak zoriontsuak izan daitezen daukagun onena EMAN.

Ikaskide guztiak (baita gogoko ez ditugunak ere) ESTIMATU.

Besteei nahigabealdietan LAGUNDU.

Ikaskideen adiskidetasuna IRABAZI.

Egiaz eta zintzo HITZ EGIN.

Haserreturik daudenen artean BAKEAK EGITEN SAIATU.

Besteek mespretxatzen dutenarekin IBILI.

Erratzen duena eta erortzen dena ALTXATU.

Negarrez ari denarekin NEGAR EGIN eta barrez ari denarekin BARRE EGIN.

OTOITZAREN ANIMATZAILEA	DENOK
LA SALLEKO SAN JOAN BAUTISTA	OTOITZ GURE ALDE
BIZI BEDI JESUS GURE BIHOTZETAN!	BETI!