Bartzelonan jaio zen 1773an, familia katoliko batean, eta oso txikitatik izan Jesus Haurrarenganako jaiera handia erakutsi zuen. Karmeldarra izateko gogoa sentitu zuen, baina 26 urterekin lur-jabe aberats batekin ezkondu zen. 16 urte eman zituen senarrarekin eta Jainkoak zortzi seme-alaba oparitu zizkion. Napoleonek Espainia inbaditu zuenean, senarra armadara joan zen aberria defendatzera. Halako batean, alargun geratuko zela esan zion ahots bat entzun zuen Joakinak. Hala izan zen eta, harrezkero, hamar urtez aritu zen behartsu eta gaixoei laguntzen. Etxeko erantzukizun orotatik libre geratu zenean, neskatila zeneko nahia bete zuen: erlijiosoa izatea. 47 urterekin Karitateko Karmeldarren Ordena sortu zuen.