Bere izena Fernando de Bulloes eta Taveira de Azevedo zuen eta Lisboan jaio zen 1195 inguruan. Ikasketa teologiko, filosofiko eta zientifikoez hornituta kultur prestakuntza zabala lortu zuen. Marokora joan zen bertakoak ebanjelizatzera, eta ekaitz baten ondorioz, ontzia Siliziako lurretara iritsi zen. Mesinako komentu frantziskotar batean egon zen eta erakundeko nagusiak Asisera eraman zuen. Han Asiseko San Francisco ezagutu zuen.

Ermitau-bizitza izan zuen Romañan, eta, bere zuzendariak Antoniok zituen predikatzaile-dohainez ohartu zirenean, Italiako iparraldera eta Frantziara ebanjelizatzera bidali zuten. Azkenik, Arcella komentuan finkatu zuen egoitza, Paduatik gertu, eta 1231n hil zen.