Dagoeneko martxa hartuta izango zara ikasturtean, ez al da horrela? Oporrak, laburrak izateaz gain, oso urrun geratu direla esan daiteke eta orain buru belarri ikasturte berrian gaude murgildurik. Lehenbiziko egunetako nagiak erabat gainetik astinduta inguruari begiratuko diogu. Zer ikusten duzu? Ba al duzu ikaskide berririk aurten ikasgelan? Agian ezagunak dituzu, baina iaz beste gelan zeuden edo beste ikastetxe batetik etorritakoren bat...

Denok izan gara inoiz estrainekoz lekuren batean. Denok sentitu gara inoiz "berriak" lekuren batean, momenturen batean... Gogoan duzu zu berritzat ikusten zintuzten momenturen bat? Ez da beti egoera erraza izaten, horregatik da garrantzitsua berriengana gerturatzea eta laguntzarik behar duten galdetzea. Gure esku dago berriak gustora senti daitezen eta hasierako sentsazio deseroso hori samurtzea.

Behar bada, irakasle berriak ere aurkituko zenituen. Ez beldurtu, gerturatu zaitez lasaitasunez haiengana eta lasai galdetu ulertzen ez duzuna eta kezkatzen zaituena esaiezu askatasun osoz. Gogoratu Zaintzeko eta sortzeko garaia dugula, elkarri laguntzeko eta elkarrekin mundo hobeseago bat sortzeko.