Soldadu erromatarra (ehuntaria: 100 soldaduren burua) eta bataioa jaso zuen jentiletako lehena.

Bere bizitza Apostoluen Egitateen 10. kapituluan ageri da: “Zesarean Kornelio izeneko gizon bat zegoen, Italica kohortearen ehuntaria, jaieratsua, Jainkozale, bere etxe osoarekin, herriari limosna asko egiten zizkiona eta Jainkoari etengabe otoitz egiten zuena». Jainkoaren aingeru bat agertu zitzaion, eta honela esan: «Zure otoitzek eta limosnak Jainkoaren aurrean gogora ekarriak izan dira». Eta Korneliok, aingeruaren esanei kasu eginez, Pedroren bila bidali zuen.

Pedrok juduak eza zirenak Elizan barruan hartzeko bulkada sentitzen zuen. Pedro Kornelioren etxera iritsi zen, eta Espiritu Santuzko bataioz bedeinkatu zituen etxeko guztiak. Hala bataiatu ziren lehen jentilak, Jainko bakarra eta egiazkoa gurtzen zutenak, eta Moisesen Legearen zenbait agindu betetzen zituztenak, baina erabat judutar elkarteko ez zirenak erdaindu gabe zeudelako.