Miguel Febres Cordero Muñoz, (Cuenca, 1854ko azaroaren 7an - Premiá de Mar, 1910eko otsailaren 9an), Anai Miguel izenez ezaguna, Eskola Kristauetako Anaien Institutuko kide erlijiosoa eta Ekuadorreko hezitzailea izan zen, Eliza Katolikoak santutzat hartua. Otsailaren 9an gurtzen dugu.

Francisco Luis Florencio Febres Cordero Muñoz izena jarri zioten, salletarren artean ohi den bezala ,eta Anai Miguel izena eman zioten arte.

Pablo VI.a aita santuak beatifikatu zuen 1977ko urriaren 30ean, eta Joan Pablo II.ak kanonizatu zuen 1984ko urriaren 21ean.

Otoitz egiteko esaldietako bat hauxe zen: Gogora gaitezen Jainkoaren presentzia santuan gaudela eta haren ikasleek honela erantzuten zuten: Eta maita dezagun haren izen santua. Orain, Lasalleko ikasleek hurrengo orduaren aldaketa izatean erabiltzen dute.

Miguel 1863an sartu zen eskolara Cuenca hirian, salletar anaiek sortua. Eskolan hasi eta hobetu egin zuen bizitza, katolizismoaren eta hezitzaileen laguntzarekin. Hor sortu zen salletar anaia izateko bokazioa, gurasoak semearen erabakiaren aurka bazeuden ere, haiek gizarte-klase altu batekoak baitziren (burgesia), eta salletarrak, berriz, garai hartan behartsuak ziren Ekuadorren, irakaskuntzan bakarrik aritzen baitziren.

1868ko martxoaren 24an, Kristau Eskoletako Anaia soinekoa hartu zuen, adimen eta jakinduria handiko Miguel Anaia bezala deitua izan zen. Bizitza osoan lagundu zuen eskola kristauetako irakaskuntzan; gizarte-klase guztietako haurrei, oinarrizko klaseetatik hasi eta goi-klaseetara, lanaldi osoko irakaskuntzarako dedikazioa zuen helburu, eta eguneroko katexima-klaseak eman ohi zituen. Liburu-kopuru handia argitaratu zuen, obra-egokitzapenekin.

1907an Eloy Alfaro presidentearen gobernu antiklerikalak Frantziara erbesteratu zuen. Geroago, Belgikara bidali zuten, eta, azkenik, Espainiara.

Handik denbora batera, Anaiak neumoniak harrapatu eta 1910eko otsailaren 9an hil zen Premian (Katalunian).