Nekazari zahar baten seme-alabak ez ziren ondo konpontzen, eta gurasoen aholkuak ez ziren nahikoa egoera hura konpontzeko. Egun batean, aitak seme-alaba guztiak bildu zituen, eta, makila batzuk ekartzeko agindu ondoren, sorta bat egin zuen haiekin; sorta apurtzen saiatzeko eskatu zien. Guztiak banan-banan saiatu ziren arren, ezin izan zuten hautsi. Orduan, aitak, sorta askatu zuen, eta makilak banan-banan zeinen erraz apurtzen ziren erakutsi zien. Gero, esan zien:

- Ene seme eta alaba kuttunak, guztiak bat eginda zaudetenean ez du inork zuek garaitzea lortuko, baina zatituta eta etsaituta baldin bazabiltzate, gaitz egin nahi dizuen lehenengoak garaitu egingo zaituzte. 

Aldarrikatu taldearen balioa, komunitatearena..., pertsonen bizitza handiagotzen duten elementu eta gizadiaren arazoei irtenbidea bilatzeko bide baitira.