Honela dio atsotitz afrikar batek: “Azkar joan nahi baduzu, zoaz bakarrik; urruti iritsi nahi baduzu, lagunarekin joan”.

Guk, gizakiok, gure errealitatea kolektiboki sortzen dugu, bai egiten ditugun ekintzen bidez, bai egiten ez ditugunen bidez. Horregatik, bidea elkarrekin egitea izango da krisi honetatik irteteko modu bakarra. Badirudi gaur egungo krisiak gizateriaren ikaskuntza-prozesurako bidea direla. Gauzek okerrera egin arte itxaron dezakegu, krisiak behea jotzen duenean aldaketa egokiak egiteko itxaropenarekin. Edo orain joka dezakegu, gure enpatian sakontzeko eta besteekin eta bizitzarekin lankidetzan aritzeko eskaintzen zaigun aukera baliatuta. Zer egingo dugu? Pertsonen duintasuna egon dadila beti pentsatzen, egiten eta den guztiaren gainetik.