Autinen jaio zen (Bourgogne, Frantzia), eta 1647 eta 1690 artean bizi izan zen.

Bisitazioaren ordenako lekaimea da; Jesusen Bihotzeko debozioa sustatzen hainbeste lagundu duten bere errebelazioengatik da ezaguna. Gazte gaixotu zen, eta babesa bilatu zuen Ama Birjinarengan. Osasuna itzultzen bazion bere alabetako bat izango zela agindu zion Ama Birjinari. Ia promesa egiten bukatu gabe, osasuna berreskuratu zuen. Honeal dio Margaritak: "Osasuna jaso nuen, eta baitaAndre honen babes berri bat ere; nire bihotzaren jabe deklaratu eta berea balitz bezala begiratzen zidan Ama; nire hutsegiteak aurpegiratzen zizkidan eta Jainkoaren borondatea egiten erakusten zidan."

Osasunaz gain, Margaritan Ama Birjinarekin elkartze sakona lortu zuen, eta hark Margaritari zera esan zion: "Ez beldurtu; nire benetako alaba izango zara, eta ni beti izango naiz zure ama ona. Kristok inspiratu zion Margaritari Ordu Santua ezartzeko eta, aurpegiarekin lurraren kontra etzanda otoitz egiteko, hamaiketatik gauerdira arte, hilabete bakoitzeko lehen ostiral bezperan, Apostoluek Jesus bere agonian utzi zutenean jasan zuen tristura hilgarrian parte hartzeko, eta Jaunartze Santua hilabeteko lehen ostiralean jasotzeko. Lehen agerpen handian,

Berak jakinarazi zion gizonek maitatua izateko gogo bizia zuela, eta bere Bihotza maitasun- eta erruki-altxor guztiekin, santifikazio- eta salbazio-altxor guztiekin adierazteko izendatu zuela. Berak Jesusen Bihotzaren festa izendatu zuen Corpus Christiko jaiaren zortzirenaren ondorengo ostiralean; Berak “Bihotz Sakratuaren Ikasleak”, eta haren altxor guztien oinordekoak. Jesusen Bihotzaren maitasuna hura kontsumitzen zuen sua zen, eta Jesusen Bihotzeko debozioa haren idazki guztien leloa da.

Azken gaixoaldian, arintzailea errefusatu zuen, eta askotan zera errepikatu zuen: “Nik zeruan daukadana eta nik nahi dudana, zu baino ez zara, O ene Jauna”, eta Jesusen Izen Santua esanda hil zen. Belaunikatutakoko estasian irudikatzen zaio, begiak gora begira; bere kongregazioko abitu ilunarekin. Eskuan arantzazko koroia edota bihotza izaten ditu.