A avestruz, cando está en perigo, se se atopa no deserto, mete a cabeza na area. Así pensa que está máis segura.

O camaleón identifícase coa cor do ambiente no que vive: verde entre as ramas e as follas verdes da árbore na que se camufla; pardo, se a cor da parede na que se apoia é de cor escura como das follas secas. Faise sumamente difícil a súa localización. Podes estar case enriba del sen te decatar.

A abella, ao ir de flor en flor, sabe pousarse  e sacar delas o rico néctar co que libará o doce mel. Toda rosa ten espiñas, pero a abella fíxase máis na flor.

O sapo é un batracio de pel verdosa chea de verrugas, corpo gordecho, ollos saltóns, extremidades curtas e cinco dedos. De aspecto un tanto repugnante a primeira vista, o seu canto é ruidoso e desagradable. Vive feliz nunha lameira, de augas pútridas e estancadas.

A aguia é  raíña dos espazos abertos, como o león o é da selva. Fai o seu niño no alto dos  montes, nas fendas dos penedos rochosos. A súa excelente vista esculca o distante horizonte.