"Que aburrimento! Que leria! Outra vez o mesmo!" Sóanche esas frases?, en ocasións atopámonos sen saber ben qué facer, todo nos parece igual cada día; pero... ¡por favor!, se vivir é a cousa máis marabillosa que existe. O que facemos as persoas son sempre as mesmas cousas, pero os nosos sentimentos non. 

Cada día é unha festa se hai un aliciente que nos fai ver a realidade de maneira diferente: a ledicia que levamos dentro. Esta ledicia amence dentro de ti a cada instante e fai que mires todo con ilusión e optimismo. Proba e verás como cambia.

"Un mozo acudiu certo día á cela dun monxe ermitán que vivía só nas montañas e tiña fama de sabio. Preguntoulle qué facía para non aburrirse e que todos os días non lle parecesen iguais. 

Esta foi a resposta do monxe: "Olla no teu interior, pecha os ollos e observa todo o que teñas que facer hoxe e as persoas coas que teñas que relacionarte. Pensa niso con amor. Porque o aburrimento non está en que cada día fagamos o mesmo, senón en cómo o facemos. Se estás transformado e ledo por dentro, cun pouco de imaxinación todo o "vello" será "novo" cada día".