Choraba a nena os sete chorares. A pelota quedoulle retida entre as pólas dun frondoso plátano do paseo. Seu avó, home aínda moi forte e rufo, non sabía qué facer. O caso é que a árbore era baixa, mais o avó non tiña axilidade para agatuñar.

Pasou un rapaz duns oito anos.

 - Mira, neno, voute erguer a pulso; porás os teus pés sobre as miñas mans e collerás esa pelota.

 - Claro, señor, moi ben.

Dito e feito. A nena deixou de chorar ao momento. Era feliz coa súa pelota. A unión fai a forza.

Unha clase ten características distintas das outras clases, porque os seus membros (os alumnos) son diferentes. Unha clase unida traballa e divírtese leda. Un bo clima de amizade favorece a confianza e todos séntense apoiados. Fagamos con amor e con ilusión o noso Proxecto da clase.

            * Non se debe sentir ninguén marxinado na miña clase.

            * Non me rirei nin desprezarei a ningún compañeiro.

            * Estarei disposto a colaborar nas actividades comúns.