1848ko abenduaren 30ean jaio zen Vélez Rubion (Almeriako probintzia, Espainia).

1866an, Almeriako Entzutegiko fiskal izendatu zuten aita. Doloresek 17 urte ditu. Han, jendartean ibiltzen hasi zen, baina hari ez zitzaizkion deigarri egiten ez festak, ez gizarte-bizitzak; besteei on egitea du gogoa. Almerian bere lehen esperientzia apostolikoak ditu: tifusez gaixotutako bi ahizpa eta legenardun bat artatzen ditu, materialki eta espiritualki, gurasoek debekatuko ote zioten beldurrez.

1872an, Puerto Ricora joan zen familiarekin. Han, Mariaren Alaben elkartea sortu zuen eta baita eskolak ere bertako mulato eta beltzentzat, eta bertan alfabetatu eta katexima erakutsi. Espainiara itzulita, Madrilen, hiru alderdik hartzen du bere bizitza: etxea eta aita zaintzea, apostolutza -penintsula utzi aurretik egiten zuen bera- eta bere bizitza espirituala: zuzendari espirituala aukeratzen du eta urtero San Ignazioren Gogamen Espiritualei ekiten die

Madrilgo gotzainak iradokita, 1892an “Sopeña Laikoen Mugimendua” izeneko seglarren apostolutza Elkartea sortu zuen. Mugimendua hiriburuko 8 auzotara zabaltzen da.

Haren intuizio handienetako bat zera izan zen, aldi berean, elkarte zibil bat sortzea, gaur egun «Sopeña - OSCUS Gizarte eta Kultur Ekintza» izenekoa. Urte gutxiren buruan, komunitateak eta zentroak ezartzen ditu garai hartako hiri industrializatuenetan, langile-sarea lagundu eta ebanjelizatzeko. Halako egunez hil zen 1918an.