Zenbat telebista ikusi duzu Gabonetako oporretan? Ziur denbora gehiago eman duzula telebista ikusten, irakurtzen baino. Jolasean behintzat telebistaren aurrean baino denbora gehiago emango zenuen, ezta? Hala espero dut.

 Gauza bat bakarrik ekarri nahi dizut gogora: telebista ikusten duzunean, ez dadila izan zeregin hoberik ez duzulako, ez dadila izan “ikustearren ikusi”. Ikusiko ditugun saioak edo pelikulak ongi aukeratu behar dira, eta gainerako denboran telebista ikusi baino gauza hobeak egin.

 Orain asteburua datorrenez eta neguan gaudenez, ez zaizu bururatuko, beharbada, telebista ikustea baino gauza hoberik. Presta dezagun, orduan, ez aspertzeko egin ditzakegun gauzen zerrenda. Nik lagunduko dizuet. (Arbelean idatz daiteke).

 -       Gabonetako opariekin jolastu (elektronikoekin izan ezik)

-       Lagunekin geratu

-       Amari edo aitari tarta edo bizkotxoa egiten lagundu

-       Txoriei jaten ematera joan (gose izango baitira)

-       Txokolatea egin eta lagunak gonbidatu

-       Aitari edo amari errekaduren bat egitera lagundu

-       Etxean lagundu (mahaia prestatu edo batu, bazterrak garbitu…)

-       …

 Beti izaten da telebista ikusteko gogoa, baina gauza hauetako bat egiten baduzu, gero askoz hobeto sentituko zara. Zalantzarik gabe esaten dizut. Asteburu ona izan.

“Gure Aita” errezatzen dugu denak eskutik helduta