Bakearen astean gaude, aste berezia da guretzat. Hala ere, bakea egunero zaindu beharko genuke, oso baliotsua baita zoriontsu bizitzeko. Ipuin bat irakurriko dugu, ea gustatzen zaizuen:

Bi lagun elkarrekin zihoazen hondartzatik. Haserretu egin ziren eta batak besteari masaileko bat eman zion. Besteak , minduta, hondarretan idatzi zuen:

“Gaur nire lagunik onenak masaileko bat eman dit…”

Ondoren bainu bat hartzera sartu ziren itsasora.  Masailekoa jaso zuen laguna itotzen hasi zen eta bere lagunak salbatu egin zuen. Arnasa berreskuratu zuenean arroka baten gainean hauxe idatzi zuen:

”Gaur nire lagun onenak bizitza salbatu dit” 

Lagunak galdetu zion :

Zergatik idatzi duzu lehen hondar gainean eta orain arroka baten gainean?

Irrifartsu, besteak erantzun zion :

Lagun on batek min egiten digunean, hondarretan  idatzi behar dugu, barkamenaren haizeak ezabatu dezan. Bestalde, lagun on batek zerbait  haundia egiten digunean, harri gainean idatzi behar da, ez ahazteko, bihotzean gelditzeko betirako…