JESUSEK BAZEKIEN GAUZAK DENEN ARTEAN BANATZEN

Pertsona batzuei gauzarik oinarrizkoenak falta izaten zaizkie: etxea, janaria, jantziak... Duguna guztion artean banatuz gero, ez litzateke horrelakorik gertatuko. Baina badaude inori ezer ematen edota uzten ez dieten pertsonak. Beste batzuek jada erabiltzen ez dutena ematen dute soilik. Gutxi baitira norberaren ondasunak, denbora eta bizitza besteekin banatzen dituztenak.

Jesusek lagunekin banatzen zituen gauza guztiak eta haiei ere horixe egiteko eskatzen zien.

Lehenengo kristauek gauza guztiak denen artean banatzen zituzten eta dena denena zen.

Gaur egun ere pertsona askok banatzen dituzte gauzak besteekin; batzuek denbora eta oporrak ere banatzen dituzte, gaixoak bisitatuz, Afrikan edo Amerikan lagunduz...