Gaur berriro Giza harremanei buruz hitz egingo dugu eta hau planteatzen dugu: beste pertsonen gaineko iritziak zein azkar egiten ditugun, besteei buruzko usteak edo aburuak zein erraz sortzen ditugun. Gure buruko niak oso gogoko du beste gizakiak etiketatzea, sailkatzea, eta ez du errukirik horiek epaitzeko orduan; sarritan, gainera, horiek nabarmen uzteko gogoa ere sentitzen du, bera horien gainetik ondo geratzeko. Eta zuk, norbaiten aurrean, zer egiten duzu? Laburki bada ere, bere egiazko izatea aintzat hartzen eta onartzen duzu eta zure arreta guztia eskaintzen diozu ala horren itxurari eta zure aurrean agertzen den moduari bakarrik erreparatzen diezu? Gurasoekin, aitona-amonekin, anai-arrebekin, irakasleekin, ikaskideekin, zure kirol-taldekoekin, auzokoekin,…