REFLEXIÓN DA MAÑÁ: MARÍA NO FOGAR DE NAZARET

MARÍA NO FOGAR DE NAZARET

Lectura do Evanxeo: Lucas 2, 42-45

Xesús viviu no fogar de Nazaret, con Xosé e María. A sagrada familia queda constituída como unha familia aparentemente normal e corrente. Nela as cousas desenvólvense de maneira normal. Xesús está baixo a autoridade dos seus pais. María e Xosé, manteñen a unión entre todos.

Cada un, traballando no que lle corresponde, cumpre coa vontade de Deus. María traballa en todo o referente á casa. E ó traballo engade amor. Ela foi elixida para traer ó mundo a Xesús e ocuparse del, e faino con toda dedicación.

O noso traballo en familia, no colexio, etc. tamén é importante para cumpri-lo querer de Deus. Con el formámonos para axudar ós demais no futuro e, os nosos pequenos actos de servicio ós demais, póñennos en camino do que Xesús e María fixeron en Nazaret.

PREGUNTAS PARA O DIÁLOGO

Estamos dispostos para axuda-los demais de maneira concreta?

Facémolo na casa, no colexio e en tódolos sitios?

Tomámonos en serio o noso traballo no estudio?

ORACIÓN

L. Vimos a ti, María,

para ofrecerche o noso traballo;

o traballo que nos cansa e aburre a cotío;

o traballo monótono e pesado de cada día.

T. Nai, Que poñamos amor no noso traballo.

L. Ofrecémoscho porque nos custa,

conscientes de que paga a pena.

T. Con el queremos, Nai, cumpri-la

vontade do teu fillo, Xesús.

L. Pedímosche, María,

que nos axudes a traballar coma ti,

a non ter medo ó difícil

e pór amor no que facemos.

T. Mantén a nosa ilusión no traballo e o esforzo.

ANIMADOR DO ORACIÓN	TODOS
SAN XOÁN BAUTISTA DE LA SALLE	ROGA POR NÓS
VIVA XESÚS NOS NOSOS CORAZÓNS	POR SEMPRE!