REFLEXIÓN DA MAÑÁ: MARÍA Á ESCOITA DA PALABRA DE DEUS

MARÍA Á ESCOITA DA PALABRA DE DEUS

Lectura do Evanxeo: Lucas 11, 27-29

María é ditosa porque escoita a Palabra de Deus, porque é Nai de Xesús. Pero é máis ditosa aínda porque escoita a Palabra de Deus, gárdaa no seu corazón e cúmprea.

Deus quixo que tamén nós dispoñamos da súa Palabra escrita na Biblia. Coñecemos de maneira especial os feitos e ditos de Xesús; relátannolos os Evanxeos. Neles está a mensaxe de vida e de esperanza para todos.

Nós somos ditosos tamén, como María, cando escoitamos esta Palabra e a tomamos como norma da nosa vida. Porque esta Palabra de Deus está sempre viva e responde ás necesidades dos homes.

PREGUNTAS PARA O DIÁLOGO

Lemos e escoitamos a cotío a Palabra de Deus?

Meditámola e gardámola no noso corazón como María?

Facemos dela a norma da nosa conducta?

ORACIÓN

L. Alegrámonos, María, porque criches,

porque es Nai de Deus.

Aledámonos porque soubeches gardar

e conserva-la Palabra de Deus

no teu corazón.

T. Nai, que saibamos escoitar

e cumpri-la palabra de Deus.

L. Alegrámonos porque a través de ti

nos veu Cristo;

porque es Nai nosa,

porque es ponte que nos leva ata Deus.

T. Nai, que aceptémo-la palabra

do teu fillo nas nosas vidas.

L. Alegrámonos, Nai, e somos felices contigo.

Axúdanos a crer, a ter confianza en Deus,

a cumpri-las súas palabras.

T. Aumenta a nosa fe.

Fai que creamos sen dubidar

e actuemos en consecuencia.

ANIMADOR DO ORACIÓN	TODOS
SAN XOÁN BAUTISTA DE LA SALLE	ROGA POR NÓS
VIVA XESÚS NOS NOSOS CORAZÓNS	POR SEMPRE!