Hoxe celébrase na Igrexa Igrexa a presentación de Xesús no Templo de Xerusalén. Sabes como era isto?

Segundo a tradición dos xudeos, dende a época de Moisés, todo israelita debía ofrecer ó Señor o primeiro parto dos seus animais, as primicias das súas colleitas e o primeiro fillo varón da súa familia. Era unha forma de recoñocer a Deus como único e auténtico Señor do pobo. Unha maneira de lembrar que Deus está presente na historia diaria do pobo, axudándolle e dándolle todo o que ten.

Tamén se coñece nos nosos pobos esta festa como o día das Candeas porque tódolos cristiáns nos vemos reflectidos en Ana e no vello Simeón que ó ser presentado por Xesús no Templo recoñecérono como luz do mundo.

Xesús na súa Palabra convídanos a acender hoxe unhas candeas novas que non son de cera senón que son as luces brillantes de axuda ós demais, do compartir e do amor ós que viven preto de nós e sobre todo ós máis necesitados. A Deus imos encontralo só se somos quen de descubrilo no noso próximo.

Así, Xesús será luz do mundo.