Avareza, ou a paixón polo ter, o reter, o acaparar. A avareza téntanos co brillo do ouro, co poder dos cartos, coas portas abertas de tódolos paraísos. É a tentación do consumo, que hoxe nos seduce e nos fascina poderosamente.

)Hai quen dubide que o ter é hoxe e foi sempre unha das forzas que moven o mundo? Pois que pregunte as razóns polas que a xente traballa, loita, xoga, súa, móvese, gástase; pregunte polos seus obxectivos e os seus soños; pregunte por que non lle gusta compartir; pregunte as razóns últimas de tanta guerra e tanta discordia.

O ter é hoxe un dos ídolos máis venerados, o becerro de ouro, e a súa relixión é o consumismo. O poder e o ter danse amigablemente a man. "A raíz de tódolos males é o amor ó diñeiro" (1Tim 6, 10).