Misioneiro dos escravos

De certo que ás veces te sentes impresionado cando se fala dos misioneiros, da súa afouteza para deixar canto os rodea e lanzarse á aventura de servi-los demais en países distantes.

O Irmán Escubilión foi un deles. Con 36 anos deixou a súa familia para nunca a volver ver. Abandonou o seu país, Francia, e foise á illa da Reunión, no océano Índico, onde pasou outros 34 adicándose a unha infatigable actividade misioneira, como amigo, mestre e infatigable catequista dos escravos.

Preocupouse por ir creando neles  conciencia da súa dignidade persoal de fillos de Deus. Mentalizaba os amos dos escravos da inxustiza desa situación; instruía os escravos, aínda que tivese que ir ás súas choupanas para darlles clases.  O seu traballo resultou ser unha lenta revolución chea de amor, sen violencia; e froito dela foi a abolición da escravitude en 1850.

Morreu o 14 de abril de 1867, con 70 anos. Foi chamado "escravo dos escravos" pola súa profunda contribución para reconciliar a uns con outros mediante o perdón. Soubo amar a Deus, amando os pobres e os humildes, atendendo os enfermos e agarimando os nenos que lle estaban confiados.