A Pascua significa para o cristián que Xesús venceu á morte e vive. Que está aquí e podemos oí-las súas palabras. Que parte con nós o pan e dáno-la súa paz; unha paz e unha alegría que ninguén nos poderá quitar.

A Pascua significa que Xesús é o amigo recuperado, o señor dos nosos corazóns para sempre. Pero, ademais, a Pascua dinos que o amor non pode morrer; que o último non é o mal, o absurdo e a morte, senón a xustiza, o amor e a vida; que algo de nós non morrerá nunca. A morte dos que aman non existe.

A Pascua significa que as máis fondas aspiracións humanas sobre a verdade, a bondade e a vida cumpriranse; que a última palabra será "gracias", cando nos encontremos co rostro de Xesús e nos sintamos nos brazos do Pai: eternamente "gracias", porque todo foi obra do amor.