Para moitos de nós aquilo que vale é todo o que pode converterse en diñeiro, e non vale o que non pode converterse en diñeiro. Un título universitario é valioso se pasa a ser diñeiro: bo posto de traballo e soldo que dá prestixio.

          Pero ese mesmo título pode ser outro destino: instalarse nun suburbio da cidade, en lugar de ir a vivir no centro; en lugar de facer que os demais veñan onda un, un vai cara aos demais... Pérdese tempo, chárlase coas persoas, trátase de axudar nos problemas... iso dá pouco diñeiro, por iso fano poucos.

          A vida de Xoán Bautista de La Salle moveuse, nos comezos, segundo os esquemas anteriores. Os seus estudos, o seu nivel familiar... permitíanlle chegar a Bispo, pero por vontade propia seguiu sendo un sinxelo sacerdote, que ademais se dedicou a algo mal visto: a educación.

          Renunciou ao que se pode converter en diñeiro, para quedar co que non se pode converter en diñeiro: vivir cuns mestres dedicados a dar clase aos nenos pobres. Pouco diñeiro lle debeu dar a Xoán Bautista o invento, pero seguro que lle proporcionou unha enchente de felicidade.c