Con toda seguridade, cada un de vós preguntouse algunha vez: ¿Quen son eu? Que pinta unha persoa como min nun mundo como este?

          Non é verdade que preguntas así nolas fagamos cando todo vai ben; cando todo nos sae a pedir de boca, cando somos felices. Esta preguntas molesta de “quen son eu”? adoitámonola facer nos momentos baixos. Cando as cousas non saen a gusto dun preguntámonos: “por que me pasa a min isto”?

 
          As orixes destas palabras e destes malentendidos nunca se sabe ben onde están. Pero unha cousa debes ter en conta: Nin es un neno, nin es un adulto. Pero es unha persoa. Es unha persoa humana e iso é moi importante.

 
          Tan importante que outra persoa como Xoán de La Salle decidiu dedicar toda a súa vida e todo o esforzo da súa persoa por estar á beira de persoas así, á beira dos nenos, de adolescentes e de mozos, para acompañalos no seu crecemento.

 
          Este home que morreu en 1719 foi unha persoa namorada dos nenos e mozos. E entre estes, os máis necesitados. E, con todo, el fora un neno, un adolescente e un mozo de boa familia, rico, sen grandes problemas. Co futuro resolto. E deixouno todo para dedicarse á educación, para dedicarse a estes nenos, adolescentes e mozos que cando todo lles sae ao revés, que cando fracasan... se preguntan e, ás veces, con forza: ¿QUEN SON EU? ¿QUE PINTO NESTE MUNDO?