Ola a todos, bos días. Imos comezar unha nova xornada. Recordades en que
tempo estamos? Pois si, estamos en Advento, levámolo lembrando toda a
semana. No advento os cristiáns propoñémonos cambiar algunhas cousas que
na nosa vida non funcionan ben: o noso xenio, cando somos vagos, cando
desobedecemos...
Quizais pensemos ás veces que isto é moi difícil cambialo, porque somos así.
Pero iso non é certo; na medida que nos propoñemos cambiar algo, e
poñemos todo o empeño e cariño do mundo, as cousas saen e somos capaces
de cambiar.
Convídote a pensar unha cousa que queiras cambiar no día de hoxe. Pon
todas as ganas do mundo e intenta conseguilo. Cando te vaias durmir, intenta
lembrar o que te propuxeches e ver se o fixeches realidade. Verás como te
sentes feliz contigo mesmo.