María e Xosé tiveron que albergarse nunha cova porque ninguén lles deu un sitio mellor para que Xesús puidese nacer. De seguida pensamos no malos que eran os xudeus daquela.

Sen embargo, non nos decatamos de que iso está a ocorrer hoxe tamén. Temos unha gran facilidade para compadecernos das desgrazas alleas e ocupar na imaxinación o posto que nas películas ocupan os heroes. 

Qué doadamente criticamos os que non se comportan ben cos demais nas películas ou nas historias. Pero en realidade moitas veces non nos diferenciamos deles.

O Nadal repítese día a día. E non haberá un Nadal completo mentres haxa persoas que sigan vivindo en lugares insáns, en casas que están para derrubarse, debaixo das pontes ou nas mesmas rúas. Eles tampouco atopan pousada.