O Nadal é, normalmente, un tempo máis familiar: as persoas reúnense, os teléfonos soan máis que en calquera época do ano, as felicitacións multiplícanse... e a palabra que máis se repite é "felicidades".

Todos esperamos a chegada do Nadal, e non é para menos. Pero non fagamos del unha rutina. Que non digamos a ninguén "felices pascuas" sen pensar o que dicimos, que os nosos desexos sexan sinceros e sexamos capaces de traballar para que realmente as persoas sexan máis felices. 

Non custa tanto. O único que se nos esixe é non pensar só en nós mesmos e pensar tamén algo nos demais, nos seus problemas, nas súas situacións persoais e familiares.

Hoxe a nosa oración vainos lembrar os nosos seres queridos, a aqueles que lles desexamos de corazón "bo Nadal".