Certo día, unha familia modesta quíxome regalar unha galiña. Sentíase debedora dun beneficio que lle fixera. Eu rexeitáballa amablemente. Mais cal sería a miña sorpresa ao escoitar dos seus beizos que eu non a quería aceptar porque era un agasallo pobre.

Máis pobre me consideraba eu que esa persoa, pois non souben adiviñar a carga de amor que puxera neste humilde regalo.

Os xudeus revolucionaron o sistema de rego por medio do gota a gota xunto ao tronco da árbore. Así, nin unha soa pinga de auga se perde. Gota que cae da goma, gota que ansiosa bebe a arboriña. 

Aí están os froitos do invento. Moitos países adoptaron o sistema. Gota a gota e con tempo por diante a pedra queda tamén furada.

A Coresma é tempo de conversión. A conversión de súpeto é bastante difícil; pero debemos facer que esta idea vaia calando, pouco a pouco, gota a gota, na nosa mente e no noso corazón.