"Eu: Don Xoán". A seducción da carne ou o desexo sen amor, a procura dunha satisfacción xenital, sen referencia á persoa, a utilización do outro coma obxecto de pracer.

Á sexualidade quítaselle o seu dinamismo relacional, a súa capacidade de apertura ó outro, a súa fecundidade e trascendencia e queda baleira, enganosa.

Nada máis enganoso cá tentación da luxuria, que o promete todo, a felicidade plena, e queda en nada, un pracer groseiro e pasaxeiro, un pracer que se alimenta máis de cantidade que de calidade. E un pracer traicioneiro, porque non tarda en pasar factura.

Esta seducción é imperante e dominante, métesenos ata na sopa. Alíase facilmente co ter e mutuamente ofrecen os seus productos.