É sorprendente que nos relatos evanxélicos non apareza nin unha soa palabra dita por S. Xosé. Sen embargo, san Mateo resúmeno-la súa vida con estas palabras: "Era home xusto". Ser home xusto significa que a súa vida era acorde ós planos de Deus.

Canto nos relatan os evanxeos del, así o confirman. A súa vida podemos resumila nestas palabras: "Deus manda e Xosé obedece". San Xosé está atento a canto acontece para descubri-lo que Deus quere del.

Deus confioulle o coidado de Xesús e María, e Xosé desvívese por salvalos de todo perigo e porque, dende a pobreza que lle toca sufrir, non lles faltase o imprescindible para vivir.      Tivo en sorte ama-los máis grandes amores para un cristián. Soubo xuntar ser santo e carpinteiro, educar a Xesús na fe de Israel, crear unha familia unida, feliz, sagrada.

Por todo iso, a súa festa é elixida para o "día do pai". Ninguén mellor ca el pode ser modelo do que é ser pai.