A quen agrada un favor feito con mala cara? Certo mendigo pediu de comer na casa dunha persoa rica. Saíu a muller e deulle rosmando un prato de sopa. Seguiu engadindo malos modais. Como o mendigo se puxo triste e case se botou a chorar, preguntoulle a muller un pouco estrañada:

            - E logo, fáltalle algo á sopa?

            - Si, contestoulle o mendigo, falta o condimento que máis se aprecia: a boa cara e a boa vontade.

    Cóntannolo os evanxelistas: as persoas seguían a Xesús e escoitaban o que ensinaba. Estaban dous ou tres días con el e moitos quedaban sen comida... pero ..."había alimento para todos e sobraba"

     No capítulo sexto do evanxeo de Xoán fálasenos dun mozo que tiña cinco pans e dous peixes, e cómo os puxo nas mans de Xesús. Alí realízase o milagre, o milagre do COMPARTIR. Os alimentos chegan para todos.