REFLEXIÓN DA MAÑÁ: AS LETRAS DO TEU NOME

AS LETRAS DO TEU NOME

O Señor entregoulle o libro ao anxo e enviouno á Terra. O anxo contable traía o encargo de poñer ao día o estado de méritos adquiridos polos humanos mediante os seus donativos. Pensaba examinar os libros de contas parroquiais, apartado de entradas e doazóns. Cotexaríaos co libro divino para retribuír a cada doador segundo os seus méritos.

Percorrendo diversos templos atopou lápidas de mármore dedicadas ao nome e memoria dos que sufragaran obras importantes. No libro de honor das parroquias non había moitos nomes, pero figuraban os que doaran cantidades notables.

A estrañeza do anxo contable fora en aumento: no seu libro, tanto os nomes en letras de ouro das lápidas, coma os escritos nos libros de honor, só aparecían en letra moi pequena, case imperceptibles nalgúns casos, noutros nin iso, e sempre nos últimos lugares.

En cambio, as letras grandes e os lugares de honra do seu libro eran ocupados por moitos nomes de persoa humildes e pobres. ¿Como podían ter dado tanto diñeiro? Ningún destes últimos figuraban nos libros de honor dos homes, si no do Señor.

PREGUNTAS PARA O DIÁLOGO

Intentas remediar dalgunha forma as necesidades dos demais?

Dá máis quen pon máis amor. Pos amor na túa entrega aos demais?

O teu nome, ¿que tipo de letra tería no libro do anxo contable?

ORACIÓN

No amor non abondan as palabras.

Amósase nas mans postas no servizo

e nos pés áxiles que movan a tenrura

para chegar puntuais á ferida.

O amor adquire a súa verdade nas obras,

dá froito no compartir cos irmáns,

na entrega da propia persoa.

Ensínanos a amar en plenitude

e a fondo perdido;

guía o noso andar polo camiño da entrega,

e impulsa a aperta que nos pide cada irmán.

ANIMADOR DO ORACIÓN	TODOS
SAN XOÁN BAUTISTA DE LA SALLE	ROGA POR NÓS
VIVA XESÚS NOS NOSOS CORAZÓNS	POR SEMPRE!