Bos días a todos e benvidos un día máis á clase. Comezamos un novo martes e, por suposto, toca lasaliano. Hoxe queríavos falar da ESTRELA LASALIANA, e, por que; pois moi sinxelo: a estrela lasaliana é o símbolo por excelencia de La Salle. Se vos fixastes, en moitos sitios do cole, mesmo no chándal, aparece “A ESTRELA”, “SALLE”. Débese isto a que a estrela é algo que nos caracteriza desde sempre. A Estrela La Salle ten 5 puntas, xa que nos 5 continentes do noso mundo hai escolas de La Salle, e todos, a pesar de estar preto ou lonxe en países moi, moi lonxe... sentimos o mesmo agarimo polo proxecto La Salle e por San Xoán Bautista de La Salle. A estrela tamén leva unhas letras nun idioma que xa non se utiliza, o latín. Pon: INDIVISA MANENT, que se traduce por permanecer unidos. Significa que, igual que na estrela as 5 puntas están sempre unidas, todos os lasalianos, empezando por nós, debemos sentirnos unidos, axudarnos, respectarnos, querernos... Pois ben, que como a estrela, no día de hoxe e sempre, sexamos capaces de facer realidade o seu significado: seremos capaces? FELIZ DÍA A TODOS.