Nós convivimos e estudamos (dise o nome do colexio). Seguro que coñecemos outros colexios do noso redor (dinse os nomes).

          Seguro que todos estamos orgullosos do noso colexio aínda que, ás veces, o critiquemos e nos queixemos dalgunhas cousas. Pero todos o levamos dentro: sentimos as súas cores como nosas; iso vese en calquera confrontación deportiva.

 
          O noso colexio ten unhas características que non teñen os dos seus arredores (pódense dicir as que se lles ocorra)

          Podemos fixarnos en moitas cousas: o seu aspecto exterior, o lugar onde está colocado, o número de clases...

 
          Para Xoán Bautista de La Salle a característica fundamental dunha escola atendida por Irmáns era, e é, o de ser cristiá. ¿Que quere dicir iso?

           * Que nela nos acordamos de Xesús, en distintos momentos e a través de diferentes signos: rezamos, temos a cruz, celebramos a eucaristía...

          * Que se ensina Relixión, para coñecer mellor a Xesús e o que el ensinou.
   

          * E, sobre todo, que a palabra de Xesús se converte en algo importante para todos os que nel estamos; que tratamos de vivir e convivir segundo o que El nos pide: querémonos, perdoamos, compartimos, axudamos...