Ese bulldozer que se chama "home" contaminou a auga e o aire, os elementos básicos para a vida na terra.

Petroleiros, coma pantasmas xigantes, trazan un rastro de contaminación por mares e praias.

Industrias químicas lanzan ao aire toneladas de dióxido de xofre e vitriolo aos ríos.

Unha corrente de coches deixa 290 kg de velenoso monóxido de carbono por 1.000 l de gasolina nas rúas das cidades.

O home espoliou as materias primas que necesitaron séculos para formarse, dilapida as riquezas dos seus propios fillos e netos.

Home, convertiches as túas mans en garfos, os teus pés fixéronse eirugas para atravesalo todo e construír un monumento de aceiro e formigón.

Home, todo atentado á vida e á natureza foi un atentado contra ti mesmo.