Dende hai uns cantos anos, un grupo de mestres, Irmáns e antigos alumnos de La Salle, planifican o seu verán de xeito distinto. Durante dous meses embárcanse nun proxecto que ten moito de aventura e de axuda humanitaria: Van comparti-la súa vida con xentes de Guinea Ecuatorial, de Perú, Bolivia, Togo, Mozambique, India,...

É unha forma de pasa-las vacacións. Con risco de enfermidades, e cun traballo, ás veces, esgotador. Realizan actividades de: construcción de escolas e dispensarios, catequese, enfermería, ensino, etc.

Dende hai tamén uns cantos anos, un grupo de alumnos e antigos alumnos de La Salle, queren experimentar de forma máis próxima a pobreza, a carencia de medios e o traballo manual no campo. Van ós campo de traballo, para axudar á xente das aldeas perdidas na montaña nos seus labores.

Non sacan ningún beneficio económico do seu traballo. O seu afán por axudar e convivir con esa xente, lévaos a dedicarlles, con total xenerosidade, parte do seu tempo do verán.