Paco e Mari considéranse un matrimonio normal. Con dous nenos de 7 e 9 anos, son unha familia modesta similar ás moitas que habitan en Vite  (Santiago). Como o 60% das familias, non saen de vacacións, nin sequera os nenos van ós campamentos que organiza o Concello.

Forman parte dese 36% de fogares españois que a CEE cualifica de pobres, no cal o sustento principal é estar empregado. Paco é un obreiro especialista, pulidor nun taller de aluminio. Mari traballou ata que naceu a filla maior.

A nómina mensual é de 130.000 ptas. máis un "plus" de 500 ptas. de toxicidade do traballo. Coas horas extras e certas chapuzas, veñen a levar á casa unhas 170.000 ptas. mensuais. E no taller, ninguén se atreve a reclamar nada por perigo a quedar sen emprego.

Se o 50% se vai en alimentación, outra parte para acabar de paga-lo préstamo da casa, os libros dos nenos e a roupa...queda moi pouco para vacacións noutras latitudes.