Ó remate do curso, os exames e os exercicios sucédense nunha carreira desenfreada. E un non pode perder de vista, que o máis importante non é o exame, senón o esforzo posto en preparalo.

Hai un dito que pode facernos cambia-la mentalidade: "Perder un curso é un roubo ós pais; pero tirar por iso a vida é unha estupidez".

A Severo Ochoa suspendérono dúas veces nos seus estudios de medicina.

A Balmes cateárono en matemáticas. Ramón Gómez de la Serna tropezou precisamente en Literatura. A Vázquez de Mella regaláronlle unha fermosa cabaza na Universidade de Santiago.

E o caso de Einstein é rechamante. Ós tres anos non sabía falar e os seus pais estaban resignados a ter un fillo deficiente mental. Ós seis anos, cando acadou un desenvolvemento normal, a súa timidez fixo que os seus compañeiros do colexio lle chamasen "papaíño aburrido".

Tamén é certo que sete de cada dez mozos superdotados convértense en vulgaridades da vida, e que con frecuencia, os que saen adiante son os mozos que mostran máis potencialidade no seu interior.