Un grupo de expertos segrares preguntábanse non hai moito sobre as actitudes e aptitudes do Misioneiro. Definíano con estes trazos:

- unha perfecta dispoñibilidade.

- sen instalarse xamais, tendo preparado sempre a súa austera equipaxe para partir cara aos demais.

- vivindo particularmente atento aos pobres, ás vítimas da inxustiza, aos prisioneiros da soidade, aos que non teñen forzas para defenderse.

- tendo un respecto profundo ás outras culturas, ás outras relixións, dentro da preocupación fundamental de compartir cos demais a súa experiencia de Deus.

- participa na vida e nas preocupacións do pobo co que vive e convive, compartindo con el tanto a riqueza coma a pobreza, os perigos e as carencias.

- ten espírito de "vangarda", para rompe-las fronteiras.

Se sacámo-lo común denominador de todos estes trazos, teremos claro que o misioneiro é "un home que exerce a fraternidade e axuda os demais a realizala".