Gizakiok eragiten ditugun kutsadura-iturrietatik handienetariko bat geure zaborra da. Ziur nago lagundu duzuela eguneko erosketak ateratzen eta gordetzen; konturatuko zineten zenbat paper, plastikozko poltsa, kaxa eta bilgarri bota behar ditugun. Erosten ditugun produktuetatik askok gehiegizko enbasatua dute eta honek behar ez den zabor-kopuru handia eragiten du. Sarritan patata-poltsa txikiak poltsa handiagoan sartuta datoz. Janari aurrekozinatuak kartoizko ontzian, plastikoan bildutakoan, saltzen dira… Material hau alferrik gastatzea, jakina, ez da beharrezkoa… eta alde batera utzi daitekeen ohitura da.

Ematen du pilula batzuen ontzia edo postontzian aurkitutako publizitate-orriak huskeria direla, baina behar ez diren ontzi eta publizitate-orri guztiak kenduko bagenitu, askoz ere zabor-tona (milioiak) gutxiago sortuko lirateke eta, aldi berean, produktua merkeagoa izango litzateke. Eta, gainera, ziur zuhaitzen mozketa gutxituko litzatekeela.