Gure eskolan izarra garrantzitsua da, gaur izarrei buruz  ipuin bat entzungo dugu, beste pista bat, gure bizitzarako:

IZAR IZKUTUA

Behin batean, izar guztiak bildu eta bilera bat egin zuten. Izar bakoitzak kreazioan eta gizakiaren bilakaeran egindako merituak adierazi zituen. Ipar-izarrak gizakiei bidea bilatzen laguntzen ziela adierazi zuen. Eguzkiak gizakiei beroa, argia eta bizitza ematen ziela esan zuen. Oso ezaguna ez den beste izar batek Einsteini eklipse batean teoria zientifiko bat egiaztatzen lagundu ziola esan zuen. Beste izar batzuek ere aipatu zituzten egindakoak eta ospe eta distira handiena lortu nahi zuten guztiek.

 Baina bazen isil-isilik zegoen izar txiki bat. Ez zitzaion esateko ezer bururatzen. Hitz egiteko txanda iritsi zitzaionean Unibertsoaren eta gizakiaren alde ezer berezirik egin ez zuela  esan zuen. Are gehiago, gizakiek ez zuten oraindik ezagutzen. Gainerako izarrek barre egin zioten eta ezertarako balio ez zuela esan zioten.

 Izar txikia mutu geratu zen eta besteek barre egiten zioten bitartean honakoa bururatu zitzaion: A Nork daki!, agian nik ere munduaren ongizatean parte hartu dut ohartu gabe...

 Beste izarrak isilik geratu ziren; izar txikiak honela esan zuen orduan: A Ez dut onena izan nahi. Zuek meritu handia duzue, gauza garrantzitsuak egin baitituzue Lurreko gizon eta emakumeen alde; baina nik ere zerbitzu garrantzitsua betetzen dut: oraindik aurkitu gabeko zerbait dute.