Egun on. Entzun Errusiako elezahar hau.

 “Demetriok, Jaunaren aginduz, esteparantz irten behar izan zuen, ordu zehatz batean Harekin elkarrizketa garrantzitsua izan behar zuen eta. Bidean gurdia lokatzean trabatu zitzaion bidaiari bat aurkitu zuen. Laguntzen gelditu zen. Nekosoa izan zen gurdia lokatzetik libratzea eta denbora luzean saiatu ziren biak. Amaitutakoan, Demetriok orduari begiratu zion, oso berandu zela konturatu eta arineketan hasi zen. Ia hegaz joan zen; arnasestuka iritsi zen Jaunarekin elkartzeko lekura. Alferrik! Jainkoak ez zion itxaron, joana zer ordurako”.

 Horraino elezaharra. Baina gure fedearen arabera irakurriz gero, badakigu Jainkoak ez duela horrelakorik egiten. Jainkoak behar bestean itxaroten du. Besoak zabalik itxaroten dio inoren gurdia lokatzetik ateratzeko gelditu denari.

 Beti itxaroten dio beste norbaiti laguntzearren pausoa moteldu duenari. Baina, egia esan, Jainkoak ez du zertan itxaron. Jainkoak ez dio jendeari urrutiko lekuetara joateko agintzen; Bera ateratzen zaigu bidera, Bera dator guregana. Eta, gainera, Bera da gurdia trabatu zaion bidaiaria.

     Gogoetarako:
 

 Prest gaude besteengan egunero bidelagun zaigun Jainkoa aurkitzeko eta ikusteko?