San Mateoren liburutik  (22, 34-40):
Jesusek saduzearrak hitzik gabe utzi zituela jakitean, fariseuak elkarrekin bildu ziren, eta beraietako lege-gizon batek galdetu zion Jesusi azpikeriaz: “Maisu, zein da legeko agindurik nagusiena?” Jesusek erantzun: “Maita ezazu Jauna, zeure Jainkoa, bihotz-bihotzez, gogo osoz eta adimen guztiaz”. Hori da agindurik nagusiena eta lehena. Eta bigarrena, ez garrantzi gutxiagokoa, hauxe da: “Maitatu lagun hurkoa zeure burua bezala”. Bi agindu hauetan oinarritzen dira Liburu Santu guztiak”.   

GOGOETArako
Ziur nago gutariko askok daukagula kontua Twitter-en, duela gutxi arte gauzak 140 karaktereko mezuetan laburturik kontatu behar ziren gizarte-sare horretan. Erabiltzaileok badakizue batzuetan zail samarra dela pentsamendu, ideia, gogoeta edo sentimendu bat hitz gutxitan laburtzea. Baina egia da Twiter-eko arau honek soil eta zuzenak izatera, hitz egokienak aukeratzera eta ez luzatzera behartzen gintuela.

Gizarte-sareetatik dabiltzan esaldi askok gogoeta eragiten digute; pentsamenduak, sentimenduak eta esperientziak laburtzen dituzte,…