REFLEXIÓN DA MAÑÁ: DE PENSAR EN MIN A PENSAR NOS DEMAIS

DE PENSAR EN MIN A PENSAR NOS DEMAIS

Hai xa 20 anos, en París, un mozo chamaba ansioso a unha porta sobre a que se podía ler este cartel:

"Calquera que teña necesidade, chame a esta porta. Aquí vive un pobre home disposto a botar unha man a quen poida necesitalo"

- Padre, veña comigo. Xunto á miña casa un home intentou suicidarse. Non está morto aínda.

Ao cabo duns minutos, o Padre Pierre atopouse cun expresidiario. Unha vez en liberdade, despois de vinte anos de cadea, tivera a ocorrencia de preguntarse:

- A quen lle importa que eu siga vivindo?

E non atopou un motivo para seguir vivindo.

O Padre Pierre non lle dixo o de sempre: "Vouche botar unha man, atoparemos unha solución". Todo o contrario. Moveuno con violencia e díxolle:

- Desgraciado. Non podo darche nada! Traballo de noite polas xentes sen teito e polos nenos enfermos. Eu tamén estou enfermo e non podo máis. Quéresme axudar? Antes de matarte, queres botar unha man a toda esa xente que espera?

O home encontrou unha razón para seguir vivindo: axudar os demais.

PREGUNTAS PARA O DIÁLOGO

* Estamos de acordo coa frase: a razón de vivir son os outros? Por que?

* Como a podemos facer realidade na nosa vida?

ORACIÓN

Cada amencer, Señor,

acórdome do teu mandamento de amor

e lánzome a poñelo en práctica.

Cada mañá, quero recomezar

o meu compromiso de ser mellor.

Cada mañá, decátome do difícil

que é axudar sen reservas aos outros.

Coa túa axuda, Señor,

e a dos meus compañeiros,

quero, neste día, poñelo mellor

da miña persoa e mocidade

ao servizo dos demais.

ANIMADOR DO ORACIÓN	TODOS
SAN XOÁN BAUTISTA DE LA SALLE	ROGA POR NÓS
VIVA XESÚS NOS NOSOS CORAZÓNS	POR SEMPRE!