Martín Luther King quería convencer os que acudiron á asemblea da necesidade de fomentar un sentido profundo de colaboración.

 Moitas veces escoitara de labios sen ilusión a queixa estéril:

 "Pero, eu... que podo facer?"

Mandou apagar as luces do estadio. Unha vez todos a escuras, preguntou:

      - Alguén podería axudar a iluminarnos? Todos permaneceron en silencio.

      Sacou o seu isqueiro e acendeuno.

      - Vedes esta luz? Responderon afirmativamente.

      - Sérvenos para algo? Novamente o silencio.

      - Sacade cada un o voso isqueiro e, cando eu vos dea o sinal, acendédeo. O estadio encheuse de pequenas luces.

No mundo hai moitas cousas que non están ben, que deberiamos cambiar pero, coa escusa de "eu non podo cambiar o mundo”, non facemos nada.. 

Comeza a cambiar ti e axuda a cambiar a túa familia, amigos e compañeiros. Se así o fas, contribúes a cambiar para ben o noso mundo.