Xove, ti, calquera que sexas, déixame que che faga unhas preguntas neste día.

Atréveste a entrar no misterio de ti mesmo? Mira, ás veces os grandes misterios, os misterios que levamos dentro son os misterios que ninguén nin nunca coñeceremos. Sábe-lo que habita dentro de ti? )Habitas ti ou estás habitado polas cousas? Hai veces que nos atopamos tan estraños na nosa casa que non sabemos por que. E, en realidade é que outros habitan a casa e botaron da casa o verdadeiro dono, por iso nos sentimos estraños.

Hai que aprender que o home ten dentro de si unha fonte que non descubriu. Canto máis saes fóra, canto máis te descentras de ti mesmo, menos camiñas cara á verdade. Entra no segredo, dentro de ti, atoparás sorpresas.

Unha cousa máis: cando teñas entrado, ó mellor descobres que hai unha compañía que non che estorba e que che dá, pola contra, inmensa ledicia e forza: Deus.