La Salle sentiu que a súa vocación na Igrexa tíñase que desenvolver na creación das Escolas. Pero escolas novas, non como as que existían.

      Creou: Escolas primarias modernas; escolas profesionais; escolas dominicais para obreiros; escolas normais para mestres seglares; escolas para fillos de nobres; internado para mozos; un reformatorio e un centro para presos.

      Non foron creacións enteiramente novas; pero en todas elas imprimiu un selo orixinal de modernidade.

      Implantou a ensinanza simultánea, a distribución da clase en seccións graduadas; a aprendizaxe da lectura en lingua francesa, antes que en latín. Todo un estilo orixinal de levar adiante a clase.

      Escribiu para a Escola 14 obras, todas elas impresas xa na súa vida e algunhas, varias veces reeditadas.

      Por todo iso, o Papa Pío XII, o 15 de maio de 1950 constituíuno "Patrón celestial de tódolos Mestres". Era recoñece‑lo labor que realizou.