Son un mestre do colexio La Salle de Turón, estou casado e teño unha filla de oito anos. O verán do 1988 formei parte dun grupo de seglares e relixiosos que participaron nun proxecto misioneiro en Guinea Ecuatorial. Isto supuxo, deixa-la miña familia durante dous meses para dedicarme a traballar con outras familias, sen dúbida máis necesitadas cá miña nos campos de alfabetización e evanxelización.

Un dos obxectivos era convivir coas persoas, coas familias e, comparti-los seus problemas; axudalos e animalos a que realizasen unha serie de traballos para o seu crecemento coma persoas, para a mellora da súa saúde e hixiene.

Tiven a ocasión de coñecer outras xentes, moi diferentes pola súa cultura, daquelas coas que convives a diario. Xentes sinxelas, boas, relixiosas, que recibiron coas mans abertas a nosa modesta axuda escolar, familiar, todo isto desde un prisma de fe cristiá.

Á miña volta á casa, coa miña familia, os meus alumnos, vén a min a lembranza da "miña outra familia", a dos necesitados, a que agarda a nosa continua axuda.